Cu ddhatta e ciangi, cu zzuca ra minna
Cu pigghia a casa cu l`ortu e cu`i spini
A cu nci cari ru celu la manna
Cu sciala e rriri a cu manda ijastimi.

Ddha Mamma e Patri chi ficiru i ranni
Non spartiru a rrobba ca pinna
I pigghiaru cu ruci e chi nganni
A cu si a cu no, nci misuru a firma.

Spartiru a rrobba e puru li Figghi
No nsi canusciunu, ne frati e ne soru
Cu mpizza spini, cu chiova e cu scagghi
Cu ijesti a trispitu e cui a triporu.

Megghiu ddha Mamma, non m`iva ddhi Figghi
E ddhu Patri no m`iva trisoru
Cu l`onesta`, l`onuri si cogghi
A farsita`, ti pisa ncantaru.