Ijeu sugnu, cu sunnu, cu simu ?

Ijeu sugnu crirenti, sugnu Cristianu
Sugnu Cattolicu, Apostolicu Rromanu
Ma pir cunvinenza o pir pazzia
Sugnu ateo, in patria mia.

U divorziu, chi bbellu turmentu
Unu ndi cacciu, n’autru ndi mentu
Ogg’i corna, vannu ri moda
Nc’e’ cu si ggira e nc’e’ cui si vota.

I comandamenti, pari, non sunnu perfetti
Pir cui n’e’ voli, ma menti difetti
Pir cunvinenza sacramentali
Chiamunu a Ddiu, sa si sentunu mali.

Omini cu Omini, Donni cu Donni
Sunnu i demuni, cu li tricorni
Euthanasia, su i patruni r’a morti
Cuntr’e debbuli, sunn’i cchiu’ forti.

P’i pedofili, latri, assassini
Puru p’iddhi, non c’esti cunfini
Ma c’e’ nu Rre, supr`ogni altura
Nci presenta u cuntu, a la bbon’ura.

Vardamundi r’intr’a nostra cuscenza
Pirchi’ c’a morti, rristamu senza
Senza onuri e ne dignita’
Tutti! ndi ijamu, nell’aldila’.