Arriva a fini ru setticentu
Portunu a Scilla a Rroccu santu
Picculi e randi fannu utu
E dannu a SantaRroccu u bon vinutu.

A Scilla a sarbau, ra pesti ngrata
E a cunsagrau ca so vinuta
Cu so mantu e u so bbastuni
Viva, SantaRroccu, prutitturi.

Ca stessa navicata
Portunu a Vergini Mmaculata
Cu soni e canti a litania
Lodunu a SantaRroccu e a Maria.

Pir li longhi scali a peri
Nchianunu a Rriggina e o Cavaleri
Cantuni in coru esclamunu Osanna!..
Viva SantaRroccu c`a Maronna.

M`a chiazza ru casteddhu,
U miraculu cchiu` bbeddhu
A Maria tanta pisanti
A pusaru sull`istanti.

Reci, vinti Omini forti
Cchiu` izari, nugddhu a potti
I fedeli o miraculu ggriraru
Tutti ntornu, si cugghiru.

Viva Maria L`immacolata
Nt`a so casa e` ggia` rrivata
Cu soni e canti, osanni e zelu
Parivanu cori r`Angiuli ru celu.

Loria Patria, avi Maria
Viva a Mamma ru Santu Messia
Patri nostru, Rre ri celi
Viva SantaRroccu chi so fedeli.

Sa parraru pir la via
SantaRroccu e la bbella Maria
Roccu!.. tu camina ancora
Santita` Divin ti Glora.
Vai!.. prusequi pir la via
Ijeu mi Fermi a casa mia
Tu ti Fermi all`autra ancora
Ogni cuor fedel ti onora.

Matri Santa, t`onuru cu rrispettu,
Ijeu ti ggiuru e ti promettu
Pir l`amuri ru to Figghiu
Chi pruteggiu tutu u Scigghiu.

Vai, prusegui, e ogni tantu
Ijapri i bbrazza cu to mantu
E cu tri corpa ri campana
I rrussigghi ogni matina.

Maria rissi e Rroccu fici
Tutt`i ddui furu felici
S`alliggiau a so scultura
Comu fogghia i castagnara.

Tutti o miraculu griraru
E u rrusariu rrecitaru
U Populu tuttu nteru
Cu Patri, Ave e creru.

E pir grazzi rricivuti
Miscredenti e cui devoti
Con amuri e cu rrispettu
Si mazzijaunu lu pettu.

E pigghiamu a nchianata
Chista e` cosa rrisaputa
Tempu nenti ggia`arrivaru
Nta li parti ri lu chianu.

A marmoria statua Santa
Comu piuma aleggia e vanta
Tutt`ancorpu s`ascatina
Ch`e pisanti a ogni schina.

A pusaru tempu nenti
Sunnu reci e sunnu vinti
Omini forti, sunnu tanti
A pusaru sull`istanti.

S`arruppiu u so bbastuni
S`ampicciau t`o startuni
E nto puntu chi cariu
R`opu nchioppu nci crisciu.

E crisciva nghiornu pi nannu
P`u Scigghiu, non c`e` cchiu` ddannu
Loria Patria, avi Maria
Viva SantaRroccu e cusi sia.

Patrinostru, avi Maria
Sarbatammilla st`anima mia
SantaRroccu cu so bbastuni
Mi ndi caccia ogni duluri.

Cu so mantu bbinirittu
Mi ndi scanza r`ogni dilittu
Pi lu cani soi fedeli
Mi ndi scanza ri galeri.

Pi la piaga ru so gginocchiu
Mi nd`ascanza r`ogni tortu
Patri nostu, avi Maria
Comu ddiu sanau a vui, sanati a mia.

Cantu peni e cantu affanni
Cantu pecchi e cantu ranni
Ora, peni e affanni si ndi iru
Pecchi e Danni scumpariru.

Ora o sciancu ru castellu
Nc`e` Maria cu so mantellu
Chi nd`arripari ri lampi e troni
E ri cchiu forti uragani.

Cand`u mari, si siddhia
Faci cosi ri pazzia
Nc`e` Maria cu so mantu
Ch`u ferma, senza schiantu.

Gloria celi, Gloria Maria
Prutiggiti sta Scilla mia
P`u vostru Figghiu Santu
Rriparatala, cu vostru mantu,
SantaRroccu, avi Maria                                                                                                                  
Sarbatala sta Scilla mia
Gloria al Padre e Gloria sia
Viva SantaRroccu e la Mamma Maria.                            

      Giuseppe Briganti